Першы крок да беларускай мовы
Настольная гульня “Мова. Буслік” – працяг нашага праекту “Мова”, але зараз – для самых маленькіх. Гэта серыя гульняў, якая будзе знаёміць не толькі з літарамі, але і з цікавымі беларускімі словамі, а розныя варыянты правілаў зробяць яе даступнай для дзяцей рознага ўзросту – ад 3 да 10 гадоў. Першымі ў серыі выйшлі гульні на тэму “Жывёльны свет”, “Горад”, “Дом”.
Настольная гульня выйдзе пры партнёрскай падтрымцы сеткі крамаў “Буслік”.
Дата выхаду гульні: 2017г
ад 3/ 5/ 7 гадоў
2-6 чал.
10-20 хв.
“Мова. Буслік” – гэта серыя ўнікальных настольных гульняў, якія дапамогуць палюбіць беларускую мову з дзяцінства. Гульня пазнаёміць не толькі з літарамі, але і з цікавымі беларускімі словамі, а розныя варыянты правілаў зробяць яе даступнай для дзяцей рознага ўзросту – ад 3 да 7 гадоў.
Тэма “Дом”
Складаны ўзровень настольнай гульні прадстаўлены наборам “Дом”. Амаль палова ўнікальных словаў гэтага набору дапаможа даць беларускія назвы рэчам у сваім пакоі, на кухні, у шафе, а таксама навесці чысціню па-беларуску. Апраніце цішотку, сядзьце на зэдлік і падніміце зрок на жырандолю разам з “Мовай. Буслік”.
Настольная гульня “Мова. Буслік”:
- Знаёміць з цікавай і сакавітай беларускай мовай;
- Матывуе да далейшага яе вывучэння;
- У форме гульні павялічвае слоўнікавы запас;
- Стварае добрыя ўмовы для размовы па-беларуску.
Склад гульні:
- 32 карткі з літарамі,
- 48 картак са словамі,
- Правілы гульні,
- Дадатак да правілаў.
4 варыянты гульні
“Мова. Буслік” мае чатыры варыянты правілаў, яны падзелены па ўзроўню цяжкасці і ўзросту гульцоў (для дзяцей ад 3,5,7 гадоў). Акрамя навучання беларускай мове гульня развівае памяць, увагу, эрудыцыю.
Слоўнік і хатняе заданне
У каробцы вы знойдзеце дадатак са слоўнікам па дадзенай тэме, цікавыя факты пра беларускую мову, а таксама хатняе заданне. Беларускія словы перакладзены на рускую і англійскую мовы.
Простыя правілы
У гульні простыя правілы, у іх мы прывялі для вас некаторыя прыклады. Гульнёвы працэс будзе цікавы як дзецям, так і дарослым. Вы можаце гуляць ва ўсе варыянты правілаў у любым узросце.
Для бацькоў і настаўнікаў
“Мова. Буслік” можа стаць добрым памочнікам для пазакласнага вывучэння беларускай мовы, дазволіць у гульнёвай форме пазнаёміцца з беларускімі словамі.
